џез музичарка

Дарко Димитров е најдобриот музичар кој сум го сретнала

Интервју со
Лена Ковачевиќ
18 март 2021

Домашниот моден бренд Елена Лука стартува со нов проект насловен како ELENA LUKA WORLDWIDE. Во рамките на новостите кои ги подготвуваат овој период, а се однесуваат на присуство на естетиката на модната куќа надвор.

Во третата епизода, гостинка е џез музичарката Лена Ковачевиќ. Низ разговорот открива зошто Дарко Димитров е најдобриот музичар кој некогаш го сретнала, за нејзиниот однос кон модата, при што не крие дека е роб на јакни и капути.

Дел ви пренесуваме во продолжение:

Во моментов снимате нешто поинаку, нешто поблиску до поп-музиката, со етно елементи, а во соработка со нашиот музичар, Дарко Димитров...

-Дарко е најдобриот музичар што сум го сретнала, мислам дека и тој знае што мислам за него. А сум сретнала многу добри музичари и сум работела во странство со добри музичари. Но, тој некако умее да го прочита ДНК-то на музичарот со кој работи. Тоа е фантастичен квалитет за продуцент. 

Се вели, „тимот кој победува не се менува“, дали е тоа случај со Вас и Дарко?

-За песната „Cafe“ Емина го работеше текстот, а Дарко музиката. Сега со Емина имаме еден дует, кој треба да излезе многу бргу. Тоа е мое гостување во рамки на нејзиниот нов проект со дуети. А Дарко ѝ е десна рака и драго ми е што сум во друштво на различни музичари.

фото: Ирина Дуплевскаја

Колку следите трендови кога е модата во прашање?

-Јас сум роб на трендови :) Поточно на капути. За мене најголем подарок се капути и јакни, бидејќи тоа никогаш немам доволно. За сите други парчиња сум за минимализам. Во последно време сакам и многу одела со машки крој. Како Ана Окса на Сан Ремо. За мене тоа е врвот на стилот за жена. Мислам дека цела пролет би можела да ја поминам во одела.

Што е она без што не излегувате од дома?

-Па , кога во Белград е врнежливо, сакам да ставам црвен кармин. Всушност, црвен кармин сакам секогаш, но посебно во зима и есен. Кога ќе ставам црвен кармин, веднаш се чувствувам поубаво. Исто така, ги сакам јас 80-тите, кога се носеа тапирани коси и многу лак за коса. Имам чувство дека тој вамп никогаш нема да излезе од мода. Дури и кога жената се чувствува лошо, го има карминот, таа натапирана коса и тој вамп ја „крева“ жената.

фото: Ирина Дуплевскаја

Целиот разговор проследете го на видеото во продолжение:

 

Објавено:
18 март 2021
Прочитано:
598 пати