30 години мода во Вог преточени во книга

Креативната уредничка на американското издание на Vogue, Грејс Кодингтон одлучи да издаде книга со фотографии, која ќе содржи некои од нејзините највпечатливи спомени во текот на 30-годишната кариера во ова списание.

Насловот на книгата е Grace: 30 years of Fashion at Vogue (Грејс: 30 години мода во Вог), всушност како и на книгата издадена од уредничката во 2002 година, само што овој пат е во дополнета.

Новото, проширено издание, е на 408 страници и ќе ја раскаже модната приказна на Грејс како креативен уредник во оваа модна библија. На есен, следната година, ќе се очекува и вториот дел на книгата, каде ќе бидат опфатени последните 13 години на нејзината работа во Vogue.

Освен бројни фотографии, ова дело ќе го содржи и писмото на Грејс, дополнето со илустрации и карикатури на фотографите со кои соработувала во текот на долгогодишната кариера межу кои и Стивен Клајн, Артур Елгорт, Ени Лебовиц, Стивен Мајсел, Марио Тестино, Брус Вебер и многу други.

Свој придонес кон ова издание ќе имаат и Ана Винтур и Карл Лагерфелд, кои се обраќаат во предговорот на книгата.