Mлад хрватски архитект има Инстаграм профил кој го следат половина милион луѓе

Архитектура
•
13 јануари 2022

Младиот Хрват, Ведран Кустура има два мошне посетени Инстаграм профили - @worldarchitecturedesing и @worldarchitectureinterior. Едниот го следат речиси половина милион луѓе, а вториот повеќе од 300.000, па веројатноста и некој од вас да ужива во фотографиите што ги споделува е мошне голема.

Ведран има 28 години, неговото родно место е Сплит, а во моментов живее и работи во Милано. 

Како вели за хрватските медиуми, со Инстаграмот започнал да се занимава од хоби. Првиот профил дури и го затворил на одредено време, а потоа, откако се вратил се случува “бум“, што воопшто не очекувал.

„Воопшто не се надевав дека во морето секакви профили, некој ќе го забележи и мојот, посветен на архитектура и дизајн“, вели архитектот за хрватското издание на „Грација“.

Во почетокот немал многу следбеници, но откако сфатил како функционираат работите и откако вложил месеци во истражување и објавување на содржини, кои се базирале пред се' на неговиот личен интерес. 

Како што растел бројот на следбеници, така растел и интересот и квалитетот на содржините, па почнале да му се јавуваат и клиенти.

Во почетокот трошел часови за истражување, листајќи магазини за архитектура, барајќи интересна содржина, но со доаѓањето на клиенти - агенции, сопственици на вили, куќи, ситуацијата е сосема поинаква.

Дел од нив праќаат фотографии кои тој ги пласира, додека пак, во други случаи, тој патува и креира оригинална содржина. 

Минимализмот, светлината, чистината и отворен простор се елементите кои доминираат во неговите објави. Вели, ваквиот развој на нештата му донел можност да спои убаво и корисно, а не крие дека меѓу следбениците на неговите профили се и Џенифер Анистон, како и девојките од семејството Кардашијанс, кои неретко и ги лајкуваат објавите.

Во продолжение погледнете дел од содржината што ја пласира на своите профили:

 

 

 

 

 

 

 

 

 

 

 

 

Објавено:
13 јануари 2022
Категорија: 
Архитектура
Прочитано:
5.635 пати