Ова е последниот Божиќ на семејството Обама во Белата Куќа па сосема нормално е и најмногу да се потрудат при украсувањето на нивниот дом.

Првата дама повторно ги отвори вратите за слатките дечиња на американските војници кои и помогнаа при украсувањето на најголем дел од собите во Белата куќа.

Темата оваа година е „Подарокот на празниците“ со што семејството Обама сака да ја пренесе прекрасната порака на подарување и добивање, заедно со подароците како семејството, пријателите, доброто здравје и образованието.

За украсувањето на Белата куќа биле употребени повеќе од 300 макети од слатки куќички, многу елки, огромен број на лампиони и светилки, како и други украси и подароци кои изгледаат магично.

Највпечатливо од сите декорации е дефинитивно големото зелено дрво во Сината соба кое годинава е навистина магично украсено заедно со другите две помали од страните.

Во собите ќе видите и реплики на омилените кучиња Бо и Сани кои со особена радост ја пречекаа годинешната и досега најголема елка.

Ниту една декорација во Белата куќа нема да биде целосна ако помине без традиционалните колачиња со ѓумбир кои и оваа година можевме да ги видиме насекаде и во сите форми.

Покрај малите и слатки дечиња, оваа година повеќе од 90 волонтери помогнаа да се украси Белата куќа почнувајќи од Денот на благодарноста па сѐ до денеска.

Погледнете како Белата куќа изгледа целосно украсена!

Објавено:
30 ноември 2016
Категорија: 
Архитектура
Прочитано:
2.587 пати