Хрватска не памети испраќање какво што имаше Оливер Драгојевиќ

Хрватите вчера за последен пат се поздравија со Оливер Драгојевиќ. Низ хрватските медиуми на едно место стоеше напис „Замина за да биде уште повеќе со нас“. И навистина изгледа така, како никогаш да не бил поприсутен. 

Хрватска длабоко тагува за неговиот омилен и сакан Оливер. Река луѓе, река солзи, уште толку песни и аплаузи во негова чест - така вчера беше испратен од Сплит за неговата родна Вела Лука.

Познавајќи ја неговата љубов кон морето, со бродови беше испратен до родниот крај, каде повторно го дочекаа аплаузи, песна и солзи.

И тамошните медиуми коментираат дека вакво испраќање не се случило многу одамна. Мештаните на Вела Лука велат дека веќе два дена во местото владее тишина и дека сите искрено жалат за нивниот Оливер.

Освен граѓаните, со Оливер се прости и државниот врв, како и бројни колеги. Пред неговиот дом во Вела Лука сè уште доаѓаат граѓани и туристи и се простуваат од него со цвеќе, свеќи и пораки.

Повеќе погледнете на сајтовите на vecernji.hr и index.hr, од каде пренесуваме и дел од фотографиите:

фото извор: index.hr/vecernji.hr/DinoStanin;