Нетфликс ги откри првите фотографии од третата сезона на „Emily in Paris“

24 септември 2022

Во четвртокот, на официјалните социјални мрежи на Нетфликс беа објавени снимки од претстојната сезона на хит серијата „Emily in Paris", со кои беше потврдено враќањето на главната актерска екипа на серијата и некои други познати лица.

Фото: wwd.com

 
 
 
View this post on Instagram

A post shared by Lily Collins (@lilyjcollins)

На една фотографија можеме да го забележиме главниот лик, Емили Купер (Лили Колинс) како седи со нејзините најдобри пријателки Минди и Камил (Ешли Парк и Камил Разат) во кафуле и се смее.

Љубовните интереси на Емили Габриел и Алфи (кои ги играат Лукас Браво и Лусиен Лависконт) исто така се гледаат на фотографиите, како и нејзините соработници Лук (Бруно Гуери) и Џулиен (Семјуел Арнолд) и нејзината шефица Силви Грато (Филипини Лерој-Болие).

 
 
 
View this post on Instagram

A post shared by Netflix US (@netflix)

Иако Нетфликс сè уште го нема откриено официјалниот датум на објавување, фановите се сомневаат дека третата сезона ќе биде објавена подоцна оваа година. Првата и втората сезона на серијата ги имаа своите премиери во октомври 2020 и декември 2021 година.

Серијата направи бум по премиерата на првата сезона, а гледачите беа најмногу привлечени од приказните сместени на атрактивните локации низ прекрасниот Париз, стилот на ликовите и костимите дизајнирани од легендарната костимографка Патриша Филд, која работеше и на „The Devil Wears Prada" и „Sex and the City".

Објавено:
24 септември 2022
Категорија: 
Култура
Прочитано:
242 пати