Почина нашиот познат актер Данчо Чеврески

30 октомври 2020

Вчера во Скопје на 69-годишна возраст почина познатиот македонски театарски и филмски актер и продуцент, Данчо Чеврески.

Чеврески е роден на 17 мај 1951 година во Скопје. Дипломирал на Факултетот за драмски уметности во Скопје на отсекот за драмски актери. Специјализација, односно филмско усовршување има добиено на УКЛА во Лос Анџелес.

Чевревски е еден е од основачите на приватното претпријатие за производство на филмови ТИРАНГЛ, а работеше и како професор на ФДУ во Скопје и беше декан на Факултетот.

Глумеше во повеќе југословенски и македонски филмови, меѓу кои „Игмански марш", „Хај-фај", „Трст виа Скопје", „Тетовирање", „Џипски меџик", „Панкот не е мртов", „Ова не е американски филм".

Добитник е на повеќе награди во текот на неговата плодна кариера, а минатата година на 14. издание на Интернационалниот филмски фестивал „Астерфест", му беше доделена наградата „Астер" за исклучителни достигнувања на филмот.

 

Објавено:
30 октомври 2020
Категорија: 
Култура
Прочитано:
551 пати