Познати македонски модни куќи ќе ги презентираат новите колекции на вечерашната модна ревија во организација на здружението „Добредојде“

Здружението "Добредојде" Macedonia Welcome Centre (DMWC) кое веќе 10 години работи на полето на културна дипломатија во рамките на својата програма за промовирање на македонската историја, култура и традиција и оваа година, а сега веќе традиционално по трет пат на 29ти октомври со почеток во 19:00 часот во Музеј на Македонска Борба ќе ја организира модната ревија „Made in North Macedonia: Модни куќи".

Oваа по ред трета модна ревија„Made in North Macedonia: Модни куќи" ќе биде колаж од познатите македонски модни брендови меѓу кои и етаблираниот бренд Елена Лука, Албатрос, Мак Примат, Бела и други. Овогодинешната тема е артикулацијата на македонските реномирани модни куќи како своевиден омаж на современата домашна текстилна индустрија. Во склоп на овој настан ќе бидат поканети 200 гости како домашни така и странски преставници од меѓународната заедница кои престојуваат и живеат во Македонија.

Ова е настан подржан од Министерство за култура , а оваа година на наше големо задоволство во соработка со Британската Амбасада моднота ревија ќе биде отворена од Н.Е. г-ѓа Рејчел Галовеј, Амбасадор на Обединето кралство на Велика Британија и Северна Ирска во Република Северна Македонија.

По повод 10годишнината на здружението обракање ќе има и Н.Е. г-ѓа Душанка Дивјак Томиќ, Aмбасадор| на Република Србија во Република Северна Македонија и почесен претседател на здужението "Добредојде" Macedonia Welcome Centre.