Астро стил: Родените во знакот на Лав сакаат да бидат забележани!

•

23 јули 2018

Тие обожуваат да бидат во фокусот на вниманието. Неслучајно ги носат карактеристиките на кралот на џунглата :) Од денеска па до 22. Август е периодот на астролошкиот знак Лав.

Имиџот на родените во знакот на Лав е огледало на нивниот темперамент.

Рутината и монотоното темпо не им е во прилог, токму затоа се во постојана потрага по промена и експериментирање со нешто ново и непознато, вклучително кога е во прашање и нивниот стил.

Лавовите сакаат да бидат забележани! Во секој аспект на нивниот живот, а модата не е исклучок.
Токму затоа уживаат во својот имиџ да комбинираат животински принтови, еко крзно, кожа, свила и сите оние материјали, дезени и принтови што привлекуваат внимание.

Во прилог на оваа нивна карактеристика, многу често одбираат драматични бои како црвена, златна или црна.

Она што е клучна карактеристика на нивниот имиџ е тоа што својот личен стил го користат како форма на изразување на нивното расположение или емоции.

Во однос на модните додатоци, дамите родени во знакот на Лав обожуваат високи потпетици – колку повисоки толку подобро. Златниот накит е на врвот на нивната листа омилени аксесоари, како уште еден момент што ги носи во центарот на вниманието...

И секако, обожуваат шопинг!

Меѓу познатите родени во знакот на Лав се и: Мадона, Џенифер Лопез, Барак Обама, Џенифер Лоренс, Шарлиз Терон, Мик Џегер...

Мадона