Блејк Лајвли вели дека нема стилист и сама се грижи за изгледот

Популарната актерка Блејк Лајвли сними уште една насловна страница, овојпат за септемврискиот број на магазинот Lucky, а уште од корицата ја читаме нејзината изјава дека не ангажира моден стилист и секогаш му верува на сопствениот стил. Во интервјуто таа вели дека нема потреба од стилист и дека прима модни совети од најважниот критичар – самата себеси. Меѓудругото зборува за својата кариера и како успева да ја балансира со приватниот живот, за стилот на својот сопруг Рајан Рејнолдс и како мисли дека тој имаа подобар моден вкус од неа, а на прашањето како еволуирал нејзиното чувство за мода Блејк изјави: „Неодамна ме прашаа дали се сменил мојот стил откако се омажив, небаре сега живеам под некаква диктатура. Се надевам дека сега на 25 години се облекувам поразлично од средношколските денови. И се надевам дека таа еволуција никогаш нема да престане“. Магазинот LuckyЛајвли ја преставува како модерна модна икона, а покрај насловната, актерката сними и моден едиторијал со кој се најавуваат есенските колекции.

Патрик Демаршелие ја фотографираше Блејк Лајвли за насловната

Од снимањето на едиторијалот