Дискверд добија две признанија на канадските модни и уметнички награди

Дизајнерското дуо Дин и Ден и сопствениците на популарниот бренд Дискверд, добија две награди на првото издание од канадските уметнички и модни награди во Торонто. Првата награда е за најдобро интернационално дизајнерско дуо, додека втората е за врвно достигнување во креирањето на глобална линија на облека.

-Возбудени сме што пред се сме дома за така значаен настан каде ги сретнавме едни од позначајните луѓе за канадската мода. Канада е нашата родна земја од која со кренати глави ги земаме овие награди, изјавуваат Дин и Ден.

Меѓу присутните беше и манекенката Коко Роча, која освои награда за најдобар модел на годината. Таа во чест на своите пријатели на манифестацијата се појави во асиметрична креација на Дискверд од пред есенската колекција.