Дизајнерката Росица Мршиќ отвори онлајн продавница

Оналајн продавницата на младата дизајнерка Росица Мршиќ започна со работа вчера. Сите заинтересирани посетители на нејзината страница ќе имаат можност да ја видат, а и да си купат некое парче од  последната колекција есен-зима 2013, која што беше презентирана и во рамки на Моден викенд Скопје.

Дизајнерката на сите производи нуди промотивен попуст од 20% , кој ќе трае се до 20-ти декември.

Исто така, во рамки  постои и можност за специјални нарачки од колекциите кои не се понудени директно во онлајн продавницата. Повеќе информации можете да добиете на http://shop.rosica-mrsik.com/.

Инаку, ова е третата онлајн продавница, кога се дизајнерските модни парчиња во прашање. Досега активни се онлајн шопот на брендот Елена Лука, како и Bastet Noir, каде можете да купите парчиња од повеќе дизајнери (Бранка Данчевска, Ирина Тошева, Бобан Илиевски, Маја Кикириткова, Ивана Кнез и брендот Ind.og.).

Оналјн купувањето, особено облека, е широко развиено насекаде во светот, а радува и моментот што се повеќе во оваа насока се размислува и кај нас.