Џорџо Армани покажа како се сака Италија

1 април 2020

Пофалбите на сметка на дизајнерот Џорџо Армани не стивнуваат. А и со право. Дизајнерот покажа како се сака својата земја.

Тој беше првиот што донираше и тоа милионска сума за помош на Италија. Преку милион евра беа наменети за италијанските болници и институциите ширум државата.

Воедно е првиот дизајнер што ја презентираше последната колекција на Миланската модна недела онлајн и ѝ даде поддршка на Кина. 

Прв ги затвори сите свои бутици.

Неговата компанија „Армани Груп“, неодамна најави дека се подготвува нова донација. Во меѓувреме, производството се пренасочи на маски и медицински комбинезони за една употреба.

И иако се потпишува зад некои од најубавите креции, сепак со оглед на времето во кое сега живееме, овие комбинезони ќе бидат најкорисната и најубавата креација некогаш направена од модната куќа.

фотографија од минатата година, Армани ги мести куклите на својот излог

Секако, дека Армани не е единствениот што придонесе за својата држава. Голем број италијански дизајнери и модни брендови донираа пари, произведуваат маски и заштитна опрема. 

Но, едноставноста и пожртвуваноста која овој човек ја покажува, остава без зборови. Иако има 85 години, неговата желба за работа, страст кон модата, а сега видовме и љубов кон државата не стивнуваат.

 
 
 
View this post on Instagram

A post shared by Giorgio Armani (@giorgioarmani) onMar 31, 2020 at 1:29am PDT

 

 
 
 
View this post on Instagram

A post shared by Giorgio Armani (@giorgioarmani) onMar 31, 2020 at 1:30am PDT

 

 
 
 
View this post on Instagram

A post shared by Giorgio Armani (@giorgioarmani) onMar 31, 2020 at 1:30am PDT

 

 

Објавено:
1 април 2020
Категорија: 
Актуел
Прочитано:
6.701 пати
Тагови: 
Армани Италија