Ешли Греам – насловната на „Ел“ и спорните фотографии

•

2 септември 2016

Секој нареден чекор на популарниот модел Ешли Греам е нова добиена борба за жените со облини. Ако порано беше незамисливо да се види девојка која има некој килограм повеќе на насловна страна на магазин, па и воопшто во моден магазин, благодарејќи на Ешли и моделите како неа, ова веќе не е невозможно.

За тоа сведочи и новата насловна страна на канадското издание на магазинот „Ел“. Октомврискиот број го краси токму Ешли, која за оваа пригода сними и провокативен едиторијал, а низ страниците на новото издание ќе биде и големото интервју со неа.

-Кога растев, мајка ми секогаш ми зборуваше дека сум умна, иако на училиште сметаа дека сум глупава, бидејќи имав дислексија. Бев крупна девојка која се занимава со спорт, а мајка ми постојано ми повторуваше: „во форма си и здрава си“, вели моделот во интервјуто.

Благодарение токму на мајка си, таа денес нема проблем со самодовербата, дури и после папараците кои покажаа дека фотгорафиите од едиторијалот и не се најреални.

Имено, на папарацо-фотографиите покажуваат дека Греам има многу целулит, кој во едиторијалот е фото-шопиран.

Таа не покажа слабост, туку на својот Инстаграм профил ги сподели токму „спорните“ фотографии, со порака дека никој друг освен неа нема право да одлучува за нејзината иднина.