Избрана македонската претставничка за Miss Globe 2016

7 ноември 2016

По турнејата низ цела Македонија, викендов се одржа финалето на изборот за Мис на Македонија 2016 за Miss Globe.

Победничка е 25-годишната Александра Тројановска, додека Прва придружничка е Ангела Ставреска, а титулата Втора придружничка jа освои Андријана Илиоска.

Александра ќе ја претставува Македонија на изборот Miss Globe 2016 што ќе се одржи на 25. Ноември во Тирана, Албанија, а Ангела и Андријана на други интернационални избори во наредната година за кои Модното студио Црнокрак поседува лиценци.

Како што соопштуваат од Црнокрак, беше избрана и претставничката на Македонија за Miss Evroazija 2016, 19-годишната Ивана Маневска, која заедно со минатогодишната победничка Елена Анѓеловска, наскоро ќе патуваат заедно за Истанбул, Турција каде и ќе се одржи овој избор.

 

Објавено:
7 ноември 2016
Категорија: 
Актуел
Прочитано:
6.895 пати