Матичевски ја презентираше својата модна метаморфоза на ревија во Сиднеј

Австралискиот дизајнер со македонски потекло, Тони Матичевски вчеравечер во Сиднеј во рамките на модниот настан организиран од најголемата австралиска модна групација „Myer“ ја претстави најновата колекција пролет-лето2014/15. Станува збор за колекцијата насловена  "Orchid Metamorphosis" која ја карактеризираат  креации што  ја нагласуваат силната женска силуета изработена од квалитетни текстури.

Освен тоа колекцијата е сочинета и од волуменозни и футуристички парчиња со специфични ракави и пепулум,  кои се движат во колорната палета на бела, црна, црвена  и сива. На официјалната страна од социјалната мрежа Фејсбук, дизајнерот објави неколку фотографии направени зад сцената и од писта, а манекенките имаат специфични фризури,  во јаки и необични бои.

Пред само неколку дена беше објавен и краткиот тисер за колекцијата кој можете да го погледнете во продолжение.