Миланската модна недела ќе има класични ревии, но не и публика

17 август 2020

Лондонската модна недела, како и онаа посветена на Високата мода се одржаа онлајн. Тоа се покажа како функционално решение и доказ дека претставувањето на колекциите може да заземе и друга форма освен „класичната“ преку ревии.

Во изминатиов период видовме презентации во форма на кратки видеа, документарни записи за тоа како се создавале, фотографии и тоа се онлајн.

Но, Националната комора на италијанските дизајнери и модни куќи одлучија дека сепак ќе се вратат на класиката. Датумот на одржување е од 22 до 28 септември, а во тие денови ќе се одржат 28 офлајн ревии, но 24 од нив ќе се емитуваат на интернет.

 
 
 
View this post on Instagram

A post shared by Milano Fashion Week (@cameramoda) onFeb 23, 2020 at 2:21am PST

Имено, тие објавија распоред за пролетната Миланска модна недела, која ќе се одржи со физички ревии, но присуството на публика сè уште е неизвесно. За сега не е потврдено дали љубителите ќе можат да ги следат ревиите во живо, или ќе ги гледаат снимките после одржувањето.

Поголемиот дел од модните куќи, меѓу кои „Марни“, „Версаче“, „Долче и Габана“, „Армани“, “Прада“, „Фенди“, „Макс Мара“ ќе одржат класични модни шоу-а. Се очекува брендовите да ги одржат ревиите во склад со пропишаните безбедносни мерки.

Од друга страна, некои брендови воопшто и ги нема во распоредот, како „Ботега Венета“ и „Москино“, кои сè уште не ги објавиле датумите на претставување на своите колекции.

„Гучи“ ќе има посебна ревија, надвор од распоредот на модната недела.

Објавено:
17 август 2020
Категорија: 
Актуел
Прочитано:
149 пати