Ова се најбогатите Британци во модната индустрија!

Оваа недела конечно беше објавена листата на најбогатите Британци во модната индустрија според листата на The Sunday Times.

За нивниот успех, на големо, секако е заслужна самата модна индустрија и нивниот успех работејќи во рамки на истата. Сите оние кои што се најдоа на листата најбогати Британци, имаа богатство не помало од 85 милиони долари.

Најбогат на целиот континент е секако, Амансио Ортега, сопственикот на Индитекс групацијата, под чија надлежност е Зара, а според листата на The Sunday Times, на врвот се најде семејството Вестон, како сопственици на стоковната куќа Селфриџ и брендот Прајмарк.

Нивните примања, според листата, изнесуваат над 7.3 милијарди фунти. Веднаш зад нив, следи Сер Филип Грин (сопственикот на Топшоп) со богатство од 3.88 милијарди фунти.

Листата покажа и дека семејството Бекам, исто така има голем пораст во примањата, така што заедничкото богатство на сопружниците, надминува 210 милиони фунти.

Секако, според објаснувањата, а и според логиката, порастот се должи на одличната работа на модната куќа на Викторија и постојаните соработки на Дејвид со светските спортски брендови.