Првата насловна за Вог на Винтур, инспирација за новите трендови

Во 1988 година, кога Ана Винтур застана на челната позиција на американски Вог, нејзината прва насловна страна за магазинот беше култна и влезе во модната историја благодарение на незаборавната кратка црна јакна на Кристијан Лакроа аплицирана со огромен крст навезен со украсни камења, а која ја носеше израелскиот модел Михаела Берку.

По повеќе од две децении, оваа насловна, односно дизајнот на Лакроа, е инспирација за новите летни трендови. Имено фамозниот крст навезен со украсни камења сега е аплициран на едноделен костим за капење потпишан од калифорнискиот бренд Beach Riot.