Се одржа модниот перформанс „Денови на текстилна индустрија - промоција на младата генерација“

26 октомври 2020

Во организација на Текстилно Трговското Здружение – Текстилен кластер од Македонија и во соработка со Моден викенд Скопје и Концепт Моден кластер оваа сабота во домот за Млади во Штип се одржа модниот перформанс наречен "Денови на текстилната индустрија – промоција на младата  генерација" во рамки на проект од ИПА пограничната програма Бугарија - Северна Македонија "Модерната текстилна индустрија како привлечна  кариера  за младите генерации и придонесувач за економски развој и социјален просперитет на прекуграничниот регион  јули 2019 - ноември 2020".

Текстилната индустрија во прекуграничниот регион има важна улога за економиите на двете земји, обезбедува значително високи приходи од извоз и придонесува кон одржливо регионално вработување. Индустријата има потенцијал за раст, но нема млада, иновативна и креативна работна сила. Додека текстилните компании значително ги подобруваа условите за работа и ги почитуваат принципите на добра општествена одговорност на компаниите, учениците се уште не се свесни за тоа и не гледаат во овој сектор потенцијал за идно вработување.

Целта на овој настан на кој претходеше посета на производни капацитети од ученици од основните и средните училишта, како и менторска работа со дизајнерката Ирина Тошева, беше да се воспостави соработка меѓу образованието и бизнис секторот во насока на прикажување на потенцијалите на текстилната и модната индустрија кои би ги привлекле учениците по школувањето да станат дел од овие гранки.

“Преку стимулација на креативното изразување на младите ученици и студенти и со голема поддршка на нивните професори, успеавме да развиеме модели кои покажаа дека кај младите постои голем потенцијал за вклучување во текстилниот сектор”, - изјави Наташа Сивевска, директор на текстилниот кластер.

„Димитар Мирасчиев“ - Штип

На капсулните колекции направени од текстилен отпад работеа ученици од пет средни текстилни училишта: „Димитар Мирасчиев“ (Штип), „Ацо Русковски“ (Берово), „Миле Јаневски Џингар” – (Македонска Каменица), Ванчо Прке“(Виница) и „Методи Митевски-Брицо“ (Делчево)  и  студентите од  Технолошко-техничкиот факултет при Универзитетот “Гоце Делчев” (Штип).  

Иницијативата започна во декември 2019, а заврши со модна ревија која се случи оваа сабoта во Штип. За време на настанот гостите можеа да ја погледнат и изложбата на модни скици изработени од учениците, инспирирани од “Современата текстилна индустрија.

За квалитетна реализација на настанот активно учество и поддршка  дадоа и Домот за Млади во Штип, музичкиот дует “Марија и Горан” кој ја воодушеви публиката со својот перформанс во живо, како и  долгогодишниот поддржувач на текстилниот кластер винаријата „Тиквеш“.

„Ацо Русковски“ - Берово

“Миле Јаневски - Џингар“ - Македонска Каменица

„Миле Јаневски Џингар“ - Македонска Каменица

„Миле Јаневски Џингар“ - Македонска Каменица

„Ванчо Прке“ - Виница

„Ванчо Прке“ - Виница

„Ванчо Прке“ - Виница

„Димитар Мирасчиев“ - Штип

„Димитар Мирасчиев“ - Штип

„Димитар Мирасчиев“ - Штип

Димитар Мирасчиев - Штип

Технолошко-техничкиот факултет при универзитетот Гоце Делчев

Технолошко-техничкиот факултет при универзитетот Гоце Делчев

Технолошко-техничкиот факултет при универзитетот Гоце Делчев

Технолошко-техничкиот факултет при универзитетот Гоце Делчев

За шминката на манекенките се погрижи „Farmasi“ во соработка со Школа за убавина Арт, а за фризурите одговорен беше „Студио Кат Кат од Штип“.

Фотографија - Баже Ангеловски

Објавено:
26 октомври 2020
Категорија: 
Актуел
Прочитано:
454 пати