Стела Мекартни со новата кампања алармира за проблемите со загадувањето

21 јули 2017

Модната индустрија е вториот најголем загадувач на еколошката средина. Овој податок е и повеќе од сериозна причина, оние кои што се директно вклучени во индустријата да го кренат гласот. Дизајнерката Стела Мекартни е една од најактивните и најгласните во својата бранша по ова прашање.

Во тој контекст е и нејзината нова кампања за есенско-зимската колекција.

Фотографиите и видеото за оваа кампања се снимени на една од најголемите депонии во Шкотска. Со овој потег, Стела има за цел да го насочи вниманието на модната индустрија, но и на целата светска јавност што значи и на самите потрошувачи, на проблемот на загадувањето предизвикано со самото производство како и со навиките на потрошувачката.

Брендот Стела Мекартни е етички конципиран, односно дизајнерката во своите креации не користи крзно ниту други материјали од животинско потекло, а со секоја наредна кампања и колекција таа предупредува на масовната еколошка катастрофа која му се заканува на светот.

 

Објавено:
21 јули 2017
Категорија: 
Актуел
Прочитано:
174 пати