Во „Плејбој“ се најде и првата муслиманка со хиџаб

28 септември 2016

Но, не во еротска смисла. Сепак, тоа не го намалува значењето на целата ситуација. Се работи за новинарката Нур Тагури, која живее во САД. Таа се фотографираше за магазинот, позирајќи во џинс, јакна и хиџаб.

 

A photo posted by Noor Tagouri (@ntagouri) onSep 22, 2016 at 6:55am PDT

Поводот е признанието кое магазинот го доделува на мажите и жените за нивната успешна работа во разни обласни – медиуми, развој на видео-игри, порно индустрија... Ова е новитет во „Плејбој“ откако минатата година во октомври одлучија повеќе да не објавуваат фотографии од голи жени.

Конкретно Тагури е опишана како „активистка која има страст за воведување промени, која не стравува да ги постави вистинските прашање, а притоа има и беспрекорна физичка убавина“.

Нур е репортерка, која довербата помеѓу новинарот и соговорникот ја оценува како најважна.

-Да бидам искрена, мислам дека тоа што сум муслиманка која носи хиџаб ми помогна да се здобијам со таа доверба. Знам како нашата заедница е претставена во медиумите, затоа секогаш се трудам ништо да претставувам погрешно. Сакам во медиумот да ги раскажам вистинските и вистинити приказни, затоа што тоа е важно и праведно – вели таа.

И покрај тоа што се работи за сосема пристојна и секојдневна фотографија, сепак наиде на критики.

Дел од коментарите се дека „магазинот профитира од објективизирање на жените“, како и дека „е смешно што сака да се бори за правата на муслиманските жени, а се фотографира за „Плејбој“ и „како не разбираат каква корист ќе имаат жените од нејзиното интервју во магазинот“.

-Не обрнувам внимание на ваквите коментари. Тоа е само негативна енергија и не е здраво, па не ми ни треба - вели 22-годишната новинарка и активистка.

Но, од друга страна се и оние што ѝ даваат потполна поддршка и аплауз. Она што дефинитивно не може да се оспори е дека нејзиниот чекор и присуство во магазинот се историски!

Објавено:
28 септември 2016
Категорија: 
Актуел
Прочитано:
1.833 пати