Зошто дрвените закачалки за облека се подобри од пластичните?

3 август 2020

Сигурни сме дека некогаш ви затребале закачалки за облека, а понудата во продавниците е сведена на оние изработени од пластика.

Не може да речеме дека не вршат работа, бидејќи се цврсти, но оние од постарата генерација сигурно се сеќаваат дека порано закачалките беа или дрвени или од жица.

Не само што изгледаат поотмено, дрвените закачалки се и покорисни.

Имено, тие не се изработуваат од било кое дрво, туку исклучиво од кедар. Зошто токму од ова? Убаво мириса, отпорно е,и најважно во овој случај, природна одбрана против бубачки и молци.

Во контекст на ова оди и информацијата дека токму од ова дрво порано се обложувала внатрешноста на креденеците и сандаците каде се чувала облека, пред се' волнена.

Така, дрвените закачалки ќе бидат поефикасни во зачувувањето на јакните, капутите, фустаните, за разлика од пластичните.

Секако, тие се поскапи, но вреди да инвестирате во неколку.

Објавено:
3 август 2020
Категорија: 
Актуел
Прочитано:
612 пати