Парис Хилтон ја затвори ревијата на Версаче на Модната недела во Милано

•

27 септември 2022

Неодолива готска естетика владееше на модната писта на Версаче минатата недела за време на ревијата во рамките на Модната недела во Милано.

Колекцијата на Версаче за пролет 2023 блесна на сцената на која што беа поставени црни свеќи, а во позадина беа пуштени хитовите на легендарниот Принц.

Фото: Vogue

Креациите на Донатела Версаче за оваа ревiја зрачат со бунтовност и моќ, совршено илустрирани преку модели кои се базираат на црна основа, несиметрични исечоци, тесни топови, проѕирни фустани, моторџиски јакни, многу кожа, чипка, сатен и свила, реси, марами, високи чизми на платформи со бројни ремени, цветни и анимал принтови.

Фото: Vogue

Покрај доминантната црна боја, на пистата зачекорија и модели во јаки неонски нијанси на розова, жолта, магента и виолетова боја кои неодоливо асоцираа на поп, рок, фанк и панк ерата од 80-тите години на минатиот век.

За финалето, Версаче припреми уште едно изненадување и вистинска експлозија на носталгија кон поп-културата од минатото. Ревијата беше затворена со појавување на иконата Парис Хилтон која беше облечена во краток розов светкав фустан и розов вел на главата.

Фото: Vogue