Раф Симонс го напушта Калвин Клајн

22 декември 2018

Раф Симонс си заминува од Калвин Клајн по само две години од прикажувањето на неговата прва колекција како креативен директор на брендот. Иако беше најавено, брендот нема да го одржи шоуто во февруари.

„Калвин Клајн одлучи да оди по нова патека која беше сосема различна од онаа на Симонс“, изјавија од брендот, додека дизајнерот одби да коментира.

ANGELA WEISS/AFP/Getty Images

Доаѓањето на дизајнерот во брендот во 2016 – тата беше најавено многу помпезно, а во модните кругови се говореше дека тој добивал милионски суми годишно.

Пред Калвин Клајн, Симонс беше дел од големи брендови меѓу кои и Џил Сандер и Диор каде правеше навистина впечатливи колекции.

Уште од самиот почеток, се чинеше дека она што дизајнерот имаше да го понуди беше сосема различно од она што го бараше брендот кој дотогаш беше познат по долната облека, џинсот и силниот маркетинг.

Останува да видиме каде белгискиот дизајнер ќе ја продолжи неговата кариера со оглед на тоа што неговиот портпарол сè уште не дал никаков коментар.

Инфо: Bussines of Fashion

Објавено:
22 декември 2018
Категорија: 
Колекции
Прочитано:
215 пати