Најновата ресорт колекција на брендот Блумарин без двоумење може да се нарече шеќерна. Со лесни и транспарентни материјали и бои на шеќерна волна, во оваа летна колекција ќе се пронајдат сите девојки и жени што го негуваат романтичниот стил.

Тантелата е доминантен материјал. Цвеќињата се често застапени или како принт, или како извезени апликации, што даваат и по малку ретро нота. Фустанот пак со 3Д цветни апликации дава сосема модерно видување.

Во овој микс од влијание, внимание ни привлече и кимоно фустанот, како и актуелната хипи комбинација – ѕвонарки и кошула со вез.

Транспарентните тантелни фустани се едни од најпосакуваните летни парчиња, па Блумарин овој тренд го смести и за следната летна сезона.

Колекцијата не е ништо ново, но ги содржи сите посакувани и актуелни нешта, што веруваме ќе му донесат профит на брендот.

Објавено:
10 август 2015
Категорија: 
Колекции
Прочитано:
586 пати