Сите форми на женственоста во новата колекција на Диор

17 декември 2021

Правецот во кој Марија Грација Кјури го води Диор, се повеќе нѐ воодушевува.

На препознатливата женственост на Диор таа успева да ѝ даде супериорна моќ. Таквиот концепт го продолжува и во новата „pre-fall" колекција во која Кјури ја истражува женственоста од различни аспекти и ја претставува во различни форми.

Инспирацијата ја навраќа назад во училишните денови, кога Кјури експериментирала со својата училишна униформа за да ѝ даде персонален печат. Токму затоа во оваа колекција ќе препознаете варијации на училишните униформи со карактеристични елементи како вратоврски, високи чорапи, миди здолништа и бермуди, бели кошули, плетени џемпери и кардигани...

Но, сепак акцентот е на женската префинетост, па колекцијата ни носи и голем шарм, елеганција, на моменти и романтика.

Кјури се послужила и со инспирација од жените во животот на Кристијан Диор, пред сѐ имајќи ја пред очи неговата сестра Кетрин, со целата нејзина карактерност, бунтовност и темперамент.

Помеѓу елеганцијата и бунтовничкиот дух, резултатот е моќна женска колекција која секако ќе остави своја трага.

 

Објавено:
17 декември 2021
Категорија: 
Колекции
Прочитано:
509 пати