Сонот на Викторија Бекам се оствари! Ја претстави својата пролетна колекција на своето деби на Модната недела во Париз

Првата ревија на Викторија Бекам во Париз се одржа во петокот попладне во рамките на париската модна недела.

Поканета заедно со неколку авангардни модни гиганти, Бекам - која започна во Њујорк и ја пренесе својата ревија во Лондон за 10-годишнината од нејзиниот бренд, конечно стигна до Париз.

Фото: Vogue

„За мене е од големо значење да имам ревија во Париз. Тоа беше мој сон, и затоа колекцијата мора да го одрази тоа", изјави Бекам.

Фото: Vogue

Нејзиното долго и темелно модно образование и искуство дефинитивно се отслика преку оваа колекција на Бекам. Овој процес ѝ овозможи да создаде совршено елегантни и софистицирани креации, со доза храбри одлуки како деконструирани фустани во комбинација со латекс хулахопки и ракавици, како и наметки, палта со исечени рабови, реси, карнери, лелеави проѕирни материјали, кожни јакни, пастелни нијанси и необични пресеци.

Фото: Vogue

48-годишната дизајнерка го прослави своето парискодеби и нов успех појавувајќи се на забава по ревијата во присуство на својот сопруг Дејвид Бекам и децата, облечена во зелена макси тоалета со долги ракави и асиметрично деколте во спој со високи црвени чизми.

Фото: irishmirror.ie

Фото: irishmirror.ie

Погледнете како изгледаа нејзините креации претставени на ревијата на Модната недела во Париз.

Фото: Vogue