Спортските и модни ритуали на Викторија Бекам пресликани во колекцијата за Рибок

30 јули 2019

Познатиот спортски бренд Рибок ја лансираше новата колекција со познатата британска дизајнерка Викторија Бекам која по втор пат соработува со компанијата.

Колекцијата е инспирирана од дневните спортски и модни ритуали на дизајнерката, а резултатот е и повеќе од фантастичен.

Во истата ќе најдете бројни женствени и унисекс парчиња облека, патики и разни спортски додатоци.

Викторија појаснува дека урбаниот живот во Лондон секогаш е голема инспирација за неа, па токму поради тоа во колекцијата преовладуваат модерни парчиња во земјени тонови.

За сезоната што следи Рибок и Викторија предлагаат шик бомбер јакни во црна нијанса, стилски блузони, памучни маици, задолжителни хеланки и тренерки во нежна розова нијанса.

Она што е интересно е тоа што таа во оваа колекција повторно ги „оживеа“ високите бели памучни чорапи што ги комбинира со патики во интензивни, но и едноставни бои како бела и црна.

„Со секое парче што го дизајнирав сакам да ја поттикнам самодовербата на поединците, а вежбањето го прави тоа најдобро. Тоа се моите основни идеи што ќе ги забележите низ целата колекција“, истакна дизајнерката.

Инфо и фото: Journal.hr 

Објавено:
30 јули 2019
Категорија: 
Колекции
Прочитано:
412 пати