Уметност во најчиста форма во новата колекција на Александар Меквин

19 ноември 2019

Новата колекција на Сара Бартон за Александар Меквин е чиста уметност. Маестрално изведена идејата што во основата на брендот ја постави нејзинот основач, а се однесува на театралност, драматичност и мистика, спакувани за модерното доба.

Генијалноста е воочлива во секој сегмент – од специфичните кроеви во кои секогаш е присутна играта со волумен и асиметрија, до изборот на комбинација на ткаенини и материјали, како оној препознатлив спој на тантела со кожа.

Умешноста на оваа дизајнерка да го прочита генијалнот ум на Александар Меквин, и да го пренесе неговиот свет и без неговото физичко присуство, и загарантираа авторитет и љубов кај лојалните почитувачи на неговото дело.

Оваа колекција е современа и модернизирана реплика на најсуштинската Меквин естетика.

Имплементирани се елементи од актуелните тенднеции, како комбинацијата на патики со костуми, волуменозните ракави и карнери, ама паралелно есенцијата на оваа модна куќа го носи карактерот на новата линија.

Ние уживавме во прегледувањето на новиот лукбук, какво е вашето искуство?

Објавено:
19 ноември 2019
Категорија: 
Колекции
Прочитано:
561 пати