Уште една фантастична ретро колекција на Клое

Дизајнерката Наташа Ремзи Леви продолжува да ја гради ретро приказната за Клое девојката, па така во новата, ресорт колекција за 2019 повторно смести неодоливи парчиња кои потсетуваат на шармантните 70 – ти.

Оваа сезона мотивите со коњи се чини се омилени на дизајнерките, па така, по Стела Мекартни, и Ремзи Леви нуди магични принтови на парчињата во вид на монограми.

Како и секогаш, дизајнерката понуди романтични тантелни фустани, но овој пат акцентот повеќе го стави на дводелните комбинации во кои вклучи панталони, фармерки и широки здолништа со висок струк, на кои им додаде лежерни кошули или тесни блузи.

Како и секогаш, модната куќа понуди неверојатни модни додатоци, со шик чантите во преден план, со кратки и долги ремени, со истакнато лого на брендот и со бројни украси кои знаеме дека ќе ви се допаднат.

И во оваа колекција дизајнерката смести кул очила за сонце со интересни форми, обетки со привезоци, разни ремени, шик сандали, впечатливи високи чизми и чорапи со нивното лого.

Во галеријата погледнете ги прекрасните парчиња во кои ќе се заљубат сите ретро девојки.