Ралф Лорен: Наместо да се жали, тој одбра да се бори и да работи!

3 јануари 2019

Модниот дизајнер Ралф Лорен денеска има 80 години, а зад себе, 50 годишна ултра успешна кариера како моден дизајнер, сопруга, три деца и операција на тумор на мозокот.

Кога му бил дијагностициран на 47 – годишна возраст, во согласност со докторите, истиот морал веднаш да биде отстранет, а како што се очекувало, операцијата завршила успешно и по некое време тој се вратил во неговата модна империја.

Vanity Fair

И наместо да се жали за она што му се случило и да се прашува зошто баш нему, тој со полна пареа продолжил да работи и да ужива во животот што го создал со неговата сопруга Рики и трите дечиња.

Неговите почетоци се навистина интересни и би требало да бидат инспирација за секој млад човек со добра идеја од која никогаш не треба да се откажува, туку напротив, колку е можно да вложува во неа.

The Cut

Како дете на имигранти, Лорен бил сосема мирно и повлечено момче од Бронкс, заљубено во вратоврски, па еден ден решил дека ќе се обиде да направи своја линија. Тоа и го сторил. И кога од стоковната куќа Блумингејлс сакале да му ја откупат истата, но да стават нивна етикета, дизајнерот категорично ги одбил, за по некое време, тие да му понудат да му изработат етикета и под негово име да ги продаваат вратоврските.

www.mikli-olgino.ru_.jpg

Нешто подоцна, тој ја започнува и приказната со Поло маичките кои и денеска се синоним за квалитет и безвременско парче што го има во плакарот и на најмалите и на најстарите.

Дека навистина бил истраен во неговата приказна кажува и фактот што етикетите со неговото име на вратоврските ги шиеле рачно со неговата сопруга и нејзините родители, за нешто подоцна да изгради модна империја благодарение на успехот што го доживеал со маичките со јака во кои сите се вљубиле на прв поглед.

The Idle Man

„Се прашував зошто луѓето кои сакаат добра облека мораат да одат во Европа да купуваат европски марки. Сакав да им покажам на сите дека и во Америка може да се направи подеднакво добра и квалитетна облека. Отсекогаш бев инспириран од Америка. Сè што создадов е дел од она за што сонував. Се обидов да направам работи што се свежи и различни, дури и ако се инспирирани од класичните работи“, вели дизајнерот.

Ralph Lauren

Ќе каже и дека трикот на успехот е во тоа луѓето да сфатат дека правите нешто само за нив, како што сите мислат дека Синатра им пее само на нив.

Се сеќава и на почетоците кога почнал да се занимава со изработка на работи за уредување на домот и денот кога решил да почне со тоа.

Elle Decor

„Се сеќавам дека се шетавме со мојата сопруга и видовме црвена постелнина на еден излог во стоковна куќа и рекод дека јас никогаш нема да спијам на тоа. Токму поради тоа, јас почнав да изработувам и работи за домаќинството“, додава Лорен.

Тој ќе каже и дека неговиот бизнис е успешен бидејќи секогаш прави работи во кои луѓето се чувствуваат удобно.

„Не мислам дека ги создадов најдобрите работи за домот, но верувам дека имам способност да ги поврзам работите заедно и да создадам место во кое ќе сакате да престојувате“, вели дизајнерот во едно интервју.

British Vogue

По повод неговата 50 – годишнина во модата, тој ќе каже дека ништо не сфаќа „здраво за готово“.

„Имам своја публика на која и се обраќам и го работам она во што верувам, но знам дека на некој не му се допаѓа тоа“, искрен е дизајнерот.

Twitter

Покрај тоа што е успешен во професијата, тој долги години се занимава и со филантропија, па така досега има основано неколку фондации што им помагаат на заболените од рак на дојка.

Објавено:
3 јануари 2019
Категорија: 
Стории
Прочитано:
687 пати