Четврток во уникатна темно црвена комбинација

Претпоследниот ден од работната недела истакнете се повеќе од сите останати денови во оваа фантастична комбинација составена од навистина уникатни парчиња. Денеска носиме плисирано здолниште во неодолива златеста нијанса и го комбинираме со најслаткиот џемпер што можете да си го замислите оваа есен. Бидејќи на него има повеќе нијанси, ние одлучивме останатите модни додатоци да бидат токму во прекрасната темно црвена боја која секогаш е соодветна за ова годишно време. Па така, носиме и уникатна чанта во таа нијанса, чевли со висока потпетица, обетки со реси и секако кармин како единствено нешто што ни е потребно од шминки.

Имајте супер четврток!