Добро утро. Иако надвор е сончево, сепак е студено, па доколку имате потреба да излезете, облечете се убаво.

Ние и денеска започнуваме со предлог-стајлинг, кој може да ви послужи како инспирација за овој петок или некој друг ден.

Комбинацијата е составена од кожени панталони со висок струк и топол џемпер во беж нијанса. На тоа е додадена кожена јакна со крзнени елементи (внатрешноста и детали на ракавите), еден од најпопуларните модели на светската модна сцена. 

Чизмите до глужд во слична нијанса со крзното на јакната и џемперот совршено се вклопуваат со остатокот од парчињата.

Вие направете ваша верзија на денешниов предлог и останете во добро здравје.

Објавено:
20 ноември 2020
Категорија: 
Стајлинг на денот
Прочитано:
389 пати