Сабота во бел фустан на копчиња

Понекогаш е тешко да се одбере што да облечеме, дури и кога е топло и мислиме дека изборот тогаш е полесен.

Но, кога се високи температури во прашање, секогаш бараме нешто лесно, лелеаво и удобно. Токму таков е и нашиот денешен предлог стајлинг.

Бел макси фустан на копчиња е нешто што секогаш ќе ви биде добредојдено во лето и тоа за разни пригоди. На конкретниов модел, ракавите се долги, но пуфнасти, а рамениците откриени.

Копчињата се црни, како и ременот на половината, со што се внесува контраст. Стајлингот е заокружен со црна мала чантичка, шапка и сандали во истите нијанси. 

Ви посакуваме убав ден!