Стајлинг на неделата #35: машки костум + елегантни аксесоари

Една од најсензуалните дами во филмската индустрија позната по своите женствени облини, Селма Хаек, на модната ревија на машката линија на Сен Лоран во Париз, се појави во нетипично издание за неа, но со кое одлично се носеше. Наместо толета која ја следи линијата на силуетата, симболично таа облече машки костум во кој изгледаше исто толку привлечно. Направила одличен баланс помеѓу строгите линии на машкото одело од Сен Лоран и елегантните детали како блескавиот мини-брош, плик чантата во актуелната металик-сребрена боја и чевли со висока платформа.