Стајлинг на неделата #71: небесно сино асиметрично палто + црни бермуди

Француската актерка Марион Котијар изминатиот викенд се појави на црвениот килим во Њујорк од премиерата на филмското остварување 'Two Days, One Night'. По тој повод таа избра комбининација од парчиња на модната куќа Кристијан Диор од колекцијата пролет-лето 2014. Таа е препознатлива по спетицичните и впечатливи стајлинзи, а токму таков беше и оној од последното јавно појавување. Станува збор за спој од небесно сино палто во асиметричен крој дополнително декорирано со цветен вез и кежуал бела маичка под истото. Долниот дел пак се трендовските бермуди во црна боја парирани со елегантни црни салонки. Нежна, сензуална и природна, Котијар уште еднаш покажа дека нападниот изглед не е пресуден за да се биде забележан.