Вторник во здолниште со животински принт и кафено капутче

Вториот ден од работната недела го дочекавме со ниски температури и облачно време и тоа секако значи комбинација со парчиња што ќе не стоплат.

Денеска носиме долго здолниште со животински принт и го комбинираме со тенко џемперче во нежна бела нијанса.

Бидејќи утрата се навистина студени, комбинацијата надополнете ја со елегантно капутче во крем нијанса со должина до под колената.

Носиме и црни чизмички на висока потпетица и чанта во малку потемна нијанса од онаа на капутчето.

Имајте убав ден!