Стилски двобој: Чанта од Ралф Лорен или Валентино?

Чантите се едни од омилените модни додатоци на жените. Токму затоа, денешниот стилски двобој го посветуваме на овој аксесоар. Иако во модата не важат строги правила и можете да носите се' што ви се допаѓа, последните неколку сезони, големите чанти се апсолутен хит.

На првата фотографија е чанта од пролетната сезона на Ралф Лорен за 2015 година. Во убава портокалова нијанса, со лакиран сјај, оваа чанта со чисти линии и животински принт ќе внесе свежина во пролетните комбинации. Покрај малите рачки, чантата има и една голема за преку рамо. Едноставен, но ефектен и лесно забележлив моден додаток.

И Валентино во својата пролетна колекција ги вклучува големите чанти. Како и претходната, и оваа е во чисти линии и четириаголна, но во кафена нијанса, а аглите се опшиени со црни кожени паспули. Овој модел е украсен со голем џеб од надворешната страна,но сепак не ја губи едноставноста. Закопчувањето е интересно, со мало ременче, а исто како и кај Ралф Лорен, има и големи и мали рачки.

Која од овие две ја посакувате за вашите пролетни комбинации?