Стилски двобој: Емилио Пучи или Гучи?

Нашиот денешен предлог за стилскиот двобој се чанти од два познати бренда. Во фокус ги ставаме ресите, па оставаме на вас да одберете која повеќе ви се допаѓа:

Емили Пучи за оваа пролетна сезона како тренд ги постави чантите со долги реси. Оваа, во кафени нијанси е едно од посакуваните парчиња доколку сте љубител на летните фестивали. Но и без тоа, ќе биде одличен ретро, а сепак тренди моден додаток кој можете да го усогласите со повеќе стилови.

Од Гучи пак, ви презентираме чанта од претходната пролет-лето колекција, но не помалку актуелна и оваа сезона. Во поголема форма и долги реси по рабовите, оваа Гучи чанта погодна е и за поелегантни, но и за полежерни комбинации.

Одберете ја онаа што соодветствува на вашиот сензибилитет и стил.