Стилски двобој: Валентино или Стела Мекартни?

Со оглед дека обувките на со ременчиња се вратија на голема врата, ние денеска за стилскиот двобој решивме да ви предложиме две такви.

Овие сандали во форма на апостолки се со потпис на Стела мекартни. Со малку задебелен ѓон, и врвки кои се врзуваат се' до глужд, се идеални за здолништа или панталони до глужд.

Валентино пак, има исто така сандали со ременчиња, но поинаков тип. На тенок ѓон, се поставени ременчиња со различна широчина, а едното се врти околу глужд. Она што ги прави интересни се украсиите на средина и од страните.  Идеални се за долгите летни фустани или здолништа.

Без разлика за каков и тип на отворени обувки да се одлучите, многу е важно ноктите и петите да ви се уредни.

Каков тип на рамни сандали преферирате вие?