Чаи Лате за вкусен пречек на есента

28 септември 2022

Преминот од лето во есен значи постепена припрема за студените, врнежливи и тмурни денови кој ја одбележуваат сезоната. Голем број од нас наоѓаат удобност во тоа да го поминуваат времето дома, под топло ќебе, со топол пијалок в рака.

За многумина, првиот избор е секогаш чај, кафе или пак топло чоколадо, но постојат голем број на топли пијалоци кои сосема заслужено го носат епитетот „есенски".

Фото: Pinterest

Еден од нив е Чаи лате! Овој нежен и благ напиток е како создаден за студените денови, ќе ви го загрее телото и душата, и претставува еден вид алтернатива на кафето и чајот.

Сигурно веќе сте го пробале овој напиток во некои од локалните кафулиња. Чаи Лате може да се подготви на два начина: со мешавина од зачини или со користење на црн чај. Постојат различни одлични готови мешавини од зачини, а најчесто се користат црн чај, кардамон, цимет и каранфилче.

Фото: Pinterest

Сепак, доколку сакате да го подготвите дома, во прилог ви нудиме еден лесен и брз рецепт каде се користат вистински црн чај и зачини, со кој ќе ви помогнеме да го направите во рок од само неколку минути.

Фото: Pinterest

Состојки:

2 чаши бадемово млеко (или млеко по ваш избор)
2 кесички црн чај
3/4 лажичка мелен цимет
1/4 лажичка мелен ѓумбир
1/4 лажичка мелен кардамон
1/8 лажичка мелено каранфилче
3 лажици мед или агаве сируп

Фото: Pinterest

Постапка:

- Загрејте го млекото во тенџере на средна топлина.

- Исклучете ја ринглата и додадете 2 кесички црн чај во тенџерето со врело млеко. Почекајте 3 до 5 минути чајот да се стрмни, а потоа отстранете ги кесичките.

- Потоа додадете цимет, ѓумбир, кардамон, каранфилче и сируп од агава во млекото.

- Матете додека да добиете изедначена смеса, мешајќи на средна топлина, додека смесата не се загрее.

- Прилагодете ги зачините по ваш вкус и послужете веднаш.

Фото: Pinterest

Фото: Pinterest

Фото: Pinterest

Фото: Pinterest

 

Објавено:
28 септември 2022
Категорија: 
Вкусно
Прочитано:
1.774 пати