Секогаш успева: Најдобриот рецепт за брзи и вкусни мафини со сирење

31 октомври 2019

Ако ви здодеа постојано да барате рецепти за совршени мафини, денеска со сигурност ви тврдиме дека потрагата е завршена.

Пробавме еден супер рецепт поради кој мафините никогаш не изгледале подобро, без разлика дали сакате да направите солени или пак благи.

Фото: Babyology

Денеска ви ги презентираме овие солени мафини со сирење, но не значи дека не можете да ги направите и со боровинки, малини или пак некое друго овошје по избор.

Рецептот е преземен од страната moirecepti.mk, а истиот е и повеќе од проверен, па ние ви гарантираме дека нема да погрешите доколку ги направите уште денеска. Целокупното време што ви е потребно за подготовка и печење е околу половина час, па тоа ги прави совршени за брз појадок или вечера.

Фото: Delicious

Потребно:

Едно јајце

Една чашка (250 мл) кисело млеко или јогурт (ние користиме јогурт)

Половина чашка зејтин

Две чашки брашни

Едно пециво

Сирење, спанаќ или некое овошје по желба

Фото: Divas can cook

Подготовка:

Добро изматете го јајцето, по што ќе ги додадете течните состојки и на крај пецивото и брашното. За тоа време, вклучете ја рерната на 200 степени за да се загрее, а подоцна ќе намалите на 180 или помалку. Намачкајте ги калапите за мафини со путер или пак ставете хартиени корпи, наполнете ги до горе и украсете со сусам. Печете ги не повеќе од 20 – тина минути и уживајте во најмеките и највкусни мафини што сте ги пробале.

Објавено:
31 октомври 2019
Категорија: 
Вкусно
Прочитано:
1.718 пати