Слатко уживање - лиснати печива со џем

По солено доаѓа нешто благо па затоа денес, како за викенд, ви подготвивме романтични печива со џем коишто потсетуваат на мини писменца.

Еве што ќе ви биде потребно:

• Пакување лиснато тесто
• Џем од сливи, може и друг според вкус
• 1/2 шолја шеќер
• 1 јајце
•  Шеќер во прав

Како да ги подготвите:

Исукајте го лиснатото тесто додека не добиете тенка подлога. Со помош на калап во форма на квадрат (или нож) исечете квадратни форми, за да добиете четири еднакви дела. Останатото тесто спојте го, па пак исукајте го за да добиете уште два квадрата.

Доколку го исукате доволно тенко може да добиете вкупно 10 квадрати. Спојте ги дијагонално како би добиле форма на писмо и исполнете ги со џем по вкус.

За печатот ќе ви требаат тенки форми на кругови, а за нивно украсување искористете што било како мотив и втиснете го на нив.

Откако ќе бидат формирани писменцата во мала чинија изматете го јајцето и измачкајте го секое печиво, само водете сметка да не ставате врз џемот.

Наросете врз нив шеќер во прав, па ставете ги во загреана рерна на 220 степени и печете околу 20-25 минути.

Откако ќе се испечат и оладат можете пак да ги наросите со шеќер во прав.

Уживајте!

 

 

 

View this post on Instagram

A post shared by Jessie Jane Daye (jessiejanedaye)