Вкусна, здрава и освежувачка чорба од тиквички

Во летниот период омилени и најбрзи јадења се дефинитивно оние вкусни чорбички направени од зеленчук што во моментот го имате дома.

Тиквиците се зеленчук кој веројатно секогаш е лесно да го набавите, а истите се исклучително здрави и полни вода, витамин Б6 и витамин Ц, бета каротен, а и многу малку калории.

Постојат голем број начини на кои може да ги подготвите, а денеска ви предлагаме еден супер рецепт кој е ултра брз и неверојатно здрав и вкусен.

Состојки:

700 гр.тиквички

Вода

Две чешниња лук

Еден поголем кромид

Една голема лажица маслиново масло

Две лажички кари

Четири лажички мелени бадеми

Сол

Подготовка:

Малку пропржете го лукот и кромидот на масло. Намалете го огнот и полека додајте ги претходно исецканите тиквички, па зачинете со кари и сол и пржете неколку минути додека тиквиците не омекнат. Ставете вода колку што сметате дека е потребно и оставете тиквиците добро да се зготват. Кога чорбата ќе се згусне, тргнете го тенџерето од оган и добро промешајте, па откако ќе ставите во чиниите, украсете со мелени бадеми.

Инфо и фото: Modamo.info