Еми Норис ја промовира новата колекција накит во соработка со модните блогерки од Fashionlab DNA

Crossover  или Премостување е насловена новата колекција накит на дизајнерката Емилија Дамјановиќ која стои зад брендот Еми Норис, а која ја промовира со интересна фотосесија во соработка со двете модни блогерки Даниела  Ѓуровска и Александра Трпеска од модниот блог FashionLab DNA.

Како што вели дизајнерката, колекцијата е наменета за бунтовните, урбани девојки и жени  кои не се плашат да бидат свои и да  ги поместуваат границите, а се состои од 25 рачно изработени парчиња накит : огрлици, дупли огрлици,алки ,обетки и сетови.

Преку оваа колекција, Еми го поставува прашањето Кога аксесоарот (модниот додаток) престанува да биде додаток и ја превзема водечката улога во модниот израз?

Емилија Дамјановиќ

Оттука и насловот на колекцијата  Crossover  или Премостување, во смисол премостување на модниот додаток  во друга модна категорија и има за цел поместување на границите на накитот како моден додаток .

Инспирирана е  од  обувките и врвките ,како симбол на постојано движење , патување, акција и желба за  промени. Матерјалите од кои е изработена колекцијата  се комбинирани, а  доминираат врвките за чевли  и тоа во најразлични бои и комбинации.

Колекцијата ќе биде изложена на саемот за современа уметност и дизајн Паратисима во Младинскиот  Култрен Центар на 12ти,13ти и 14ти  јуни 2015. (Тоа ќе биде второ нејзино претставување на овој саем),  а  потоа накитот ќе биде изложен и во Концепт 37.

Авторката ја посветува оваа колекција на својот брат кој за жал не е повеќе меѓу  нас.