Моден водич: Во какви чевли ќе чекориме ова лето?

... А одговорот на прашањето во насловот е: на платформи.

Или ги сакате или не, но сигурно е дека чевлите на ултра високи платформи ова лето се хит.

Веројатно на прв поглед делуваат гломазно и „тешки" за носење, но добро дизајнираните чевли изработени од соодветни материјали, може да бидат и пријатни и удобни за носење.

Иако имаат специфична естетика, на која многумина гледаат со резерва, овој модел на чевли е веќе нашироко прифатен и во светот на уличната мода, но често може да забележиме како го газат црвениот килим на свечени и гала настани.

Во нивниот дизајн она што веднаш ќе го препознаете е диско шмекот на 80-те, но реинтерпретиран во современи варијации како оние на Валентино, Долче и Габана и Версаче на пример.

Модел на Долче и Габана

Покрај овој модел, особено популарни остануваат кломпите, кои важат за тенденција неколку сезони по ред. Пердувите, како атрактивен тренд кај облеката, исто толку е се актуелни и кај чевлите оваа година, па многу често елегантните сандали со тенки ремени, оваа сезона добиваат на драматичност преку овие детали.

Во галеријата во продолжение ги издвоивме највпечатливите, а воедно и најпопуларните модели чевли за оваа сезона.