Накит за тело: Cинџирчиња за тело со кои ќе блеснете ова лето

Ни претстојат уште многу жешки летни денови за кои сме нетрпеливи да ги поминеме покрај вода. Како дел од возбудата е секако и изборот на совршениот костим за капење со кој сакаме да блеснеме на плажа. Или пак едноставно сакаме да ѝ внесеме дополнителен сјај на летната облека.

Но што ако сте љубители на едноставни модели и дезени, а сепак сакате да го избегнете ризикот од тоа да изгледате здодевно и сакате да оставите впечаток? Постои и друг начин да блеснете, и тоа во буквална смисла на зборот. 

Фото: Pinterest

Накитот за тело, како синџирчињата кои се врзуваат околу половината и стомакот или пак оние висат од вратот па сè до папокот, се совршен моден додаток кој има моќ да го трансформира дури и наједноставната летна комбинација и наједноставниот модел на костим за капење.

Со неверојатно широкиот избор на модели, бои, должини и материјали, од сребрени, позлатени, до навезени со кристали, камчиња и монистра, овие синџирчиња за тело беспрекорно ќе го комплетираат вашиот изглед, без разлика во која нијанса доаѓаат парчињата облека кои ги носите.

Фото: Pinterest

Иако накитот за тело и синџирчињата за половина не е никаков новитет, денес е еден од најчестите летни декорации за на плажа. Овој накит потекнува од Индија кога пред 4000 години бил носен како декорација за време на религиски церемонии, но денес е еден од наједноставните и најлесните начини да постигнете уникатен и атрактивен изглед, особено доколку имате тен.

Фото: Pinterest

Во продолжение погледнете неколку примери како да го надополните вашиот стајлинг и да го декорирате вашето тело.

Фото: Pinterest