Очила за сонце инспирирани од иконскиот мантил на Барбери

Во својата летна колекција на очила за сонце за претстојната сезона, култниот бренд Барбери се „самоинспирираше“ од својот добро познат класичен мантил и специфичниот принт на модната куќа.

Формите на очилата за сонце се во основа во мачкаст облик, но има и такви кои се со коцкасти форми. Медовите нијанси доминираат во изборот, а изработката е надополнета со метално полирани рачки, украсени со популарниот Барбери принт и заштитното лого.

Промотивната кампања за претстојната  сезона имаше чест да ја изработи неприкосновениот мајстор на фотографскиот занает Марио Тестино, а задоволството први да ги „пробаат“ новите модели ја имаа истите модели кои учестуваа во пролетната кампања за женската и машката колекција на Барбери: Џејми Кемпбел Бауер, Лео Добсон, Малаика Фирт, Матилда Лоутер, Нилам Џил, Калум Бал и Џин Кемпбел.

Во продолжение погледнете како се создаваат очилата директно во работилниците на компанијата, инспирирани од безвременскиот мантил кој што прерасна во стилски статус симбол на етикетата.