Погледнете ја целата колекција на Џеј Ло за Џузепе Заноти

25 јануари 2017

Најавата за соработката на Џенифер Лопез со познатиот дизајнер на чевли Џузепе Заноти, привлече големо внимание.

Она што публиката го знае е дека пејачката ќе создаде неколку типа обувки, според нејзиниот стил и сензибилитет.

Токму таков е и крајниот резултат. Капсулната колекција насловена како „Џузепе за Џеј Ло“ е презентирана и ќе ги израдува нејзините обожаватели.

Се состои од шест чифта чевли, а вклучува гладијаторски сандали на потпетица до колена, кои доаѓаат во црна и сива варијанта, како и една со животински принт.

Освен нив, Џенифер создаде и чизми до глужд, и тоа сребрени и златни, целосно светкави и розови и тегет.

На оние што ги сакаат едноставните сандали, фаворитот ќе бидат сандалите со ремчиња во беж и мат сива нијанса.

За оние што повеќе преферираат патики, пејачката создаде и еден модел што потсетува на легендарните на Исабел Марант со платформа, кои доаѓаат во сива и тегет боја, а се украсени и со кристали.

-Со Џузепе создадовме ултра модерна, женствена колекција на „опасни“ потпетици и сосема трендовски патики.  И како што веројатно и очекувате, повеќето се светкави – вели пејачката во соопштението за јавност.

Цената на обувките  се движи од 795 до 2.995 долари, а достапни се и на сајтот на дизајнерот giuseppezanotti.com.

Објавено:
25 јануари 2017
Категорија: 
Модни додатоци
Прочитано:
2.535 пати